DIA 16 - DÍA 18 - DÍA 19 - DÍA 20

    

La escursión anterior.

Como nun podía ser d’otra manera, la diversidá y el bon facer del Grupu Monte Ibice-Cuadonga obligábanos a entamar la ruta prevista con munches esperances y grandes espectatives. Los nuevos cumes, que nun pidíen munchu esfuerzu, permitíennos subir ensin polaines y cuasi ensin pesu na mochila, lo que fae del nuesu caleyar un simple paséu pel mundu de la imaxe contemplativa y personal que della xente tien de la naturaleza terrenal. La propuesta nun se pue meyorar asina que con puxu y dempués d’una paradina pal pinchu, pa la xinta y pa la merienda y col pasu firme que da’l sabenos descansaes, soltamos l’alcordanza cuando otes rutes más cansaes mos traíen y llevaben pela cai del sudor y del constante bullir de la pota castañes: “¿quién ye’l guía d’esta tortura?; queremos presidente nuevu; ¿nun dicíes que yera too pa baxo?”.

Impresiona atravesar collaes na escuridá de la nueche y enllenase cola silueta de los míticos nomes de la peña recurrente. Roca caliar, llambries, h.os y díes de festín ensin agua oblíguennos a aparar y contemplar al traviés d’otros güeyos la sinfonía d’estrelles que mos allumen el camín. Y esa nueche tan prestosa, el glayíu de llobos agonizantes que troten per pistes illegales p’averase a especulantes proyectos d’estaciones d’esquí, son les ramples caberes del nuesu caminar. Esta vez nun tenemos que nos esmoler de llegar al autobús coles botes puerques porque pa toes ya la sesta salida, asina que prescindimos del conductor de primera, pero non de finalizar la xornada con una sorrisa y descubriendo que’l refrán tenía razón y que pela nueche sabremos más sobre plantes melicinables que nadie que tenga que madrugar al día siguiente coles recalcadures de siempre.

Participantes:
Colectividá del Grupu de Monte Íbice-Cuadonga, Santiago Vázquez, Fran Lago y José Antonio Cases, Jorge Coto.

16 DE MAYU DE 2005

Ayuso: “El Picu Urriellu y el Valle de Bulnes”

 

18 DE MAYU DE 2005

Bomberos del Principáu d’Asturies

“El monte asturianu: seguranza y rescate”

 

19 DE MAYU DE 2005

Juan Carlos Huerta: “McKinley 2004”

 

20 DE MAYU DE 2005

Jorge Coto: “Patagonia tranquila”